Михаило Донев новинарската кариера ја започнува во Слободен Печат, а потоа работи и како новинар во Телевизија 24 и 360 Степени. Од август 2023 година работи како новинар во Радио Слободна Европа.
Полагањето на државната матура почнува на 1 јуни и прв пат ќе се полага во големи простори по скандалот лани кога на вибер беа споделени прашањата. Голем интерес на матурантите и за симулацијата на полагањето. Нема да има блокатори за мобилни телефони, но електронски уреди ќе бидат забранети.
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна и превоз, се дел од барањата што работниците ги испорачаа на традиционалниот првомајски протест.
На гласачките места во Скопје, кои ги посетивме во текот на денот, изјаснувањето на граѓаните со право на глас се одвива без проблеми. Тоа го потврдија и претставници на избирачките одбори и граѓаните. Затекнавме и странски набљудувачи. Гласачките места се затвораат во 19 часот.
На гласачките места во Скопје, кои ги посетивме претпладне, изјаснувањето на граѓаните со право на глас се одвива без проблеми. Тоа го потврдија и претставници на избирачките одбори и граѓаните. Затекнавме и странски набљудувачи. Гласачките места беа отворени во 7 часот, а ќе се гласа до 19 часот.
Сезоната со пожари на отворено ќе ја дочекаме со 50 отсто помал воздушен капацитет за гаснење во однос на лани, вели директорот на Центарот за управување со кризи, Стојанче Ангелов. За гаснење пожари од воздух пак, државата располага и со два армиски и два авиона на МВР.
Штрајкот на младите приватни специјализанти велат дека ќе трае додека не им, се исполнат барањата или не добијат гаранции за тоа. Незадоволни се од платите, од нерегулираниот работен однос, а најмногу се огорчени што немаат здравствено осигурување. Докторките немаат право на платено породилно отуство и им се стопира специјализацијата.
Некои пијат кафиња, други се шетаат по дуќани, трети праќаат политички пораки, а некои и се водители на поткасти. Оваа активност на кандидатите за политички функции за дел од експертите е нормална предизборна себе промоција, но прашањето е и дали навлегува и во сината зона на почитувањето на законите?
Во Хрватска годинава биле откриени три, a лани една пратка зеленчук увезен од Северна Македонија што содржел опасни пестициди. Државниот инспекторат за РСЕ потврдува дека залихи на пестицидот хлоропирфос, забранет во ЕУ од 2020, се уште се користат во земјоделието. Агенцијата за храна и ветеринарство тврди дека домашниот зеленчук е безбеден.
Новата зграда која ФИНКИ требаше да ја добие во рамките на Универзитетот „Св.Кирил и Методиј“ почна да се гради во 2015 година, но веќе пет години градежни активности нема. Изведувачот отиде во стечај, а МОН не распишува нов тендер. Студентите од ФИНКИ принудени да одат на настава на други факултети
Документот е продолжение на Декларацијата за подобар студентски стандард потпишана пред четири години, од кој круцијалните барања останале неисполнети. Сегашните студенти немаат многу надеж дека овојпат ќе биде поинаку, но нивните студентски лидери бараат притисокот врз властите да биде посилен.
Епидемијата на големата кашлица натера многу родители да ги вакцинираат децата, но паниката донесе редици, и некои од нив за РСЕ велат дека чекале со часови. Проблемот е и што децата мора да бидат здрави, а процесот на вакцинација и ревакцинација е временски долг. Проблем плус, зошто над 50 насто не се вакцинирани е и раширеното антиваксерство
И покрај малиот интерес за студирање македонски, за македонистите добро е донесувањето на нов закон за употреба на македонскиот јазик. Очекуваат со стипендии и гарантирани вработувања да се привлечат студенти. Останува проблемот што се помалку активно се говори стандардниот македонски јазик.
Цените на становите догодина ќе се стабилизираат, но нема да одат во надолна линија, предвидуваат градежниците. Тие се правдаат дека драстичниот скок на цените по метар квадратен се резултат на постковид кризата - зголемена инфлација, повисоки комуналии, зголемени трошоци за градба. Ниту Статистика, ниту Катастар од 2019 не ги следат цените на становите во државата.
Во исчекување на првите два километри од автопатот од Скопје до граничниот премин Блаце кој води кон Косово во должина од 12 километри, власта минатиот месец се пофали дека ги „закрпила“ дупките на магистралниот пат Скопје - Блаце.
Психички проблеми, разводи, голема задолженост и продажба на имот. Ова се дел од приказните на зависници од коцкање кои ги споделуваат со психијатрите барајќи излез од зависноста. Во државата нема никакви податоци за зависници од коцкање, а лекарите предупредуваат дека онлајн коцкањето е поопасно.
На граничниот премин Блаце, најголемиот дел од граѓаните кои ја напуштаат државата веќе ги промениле личните документи, а државата ја напуштаа со лични карти или патни исправи со новото име на државата. Сепак, затекнавме и граѓани кои со старата лична карта ја минуваа границата.
Во ЕВН уште пристигнуваат жалби од граѓаните, а во Регулаторна пристигнале 30 поплаки заради високи јануарски сметки за струја. Поскапување нема, велат од Регулаторна, а според ЕВН потрошувачката е зголемена. Граѓаните се жалат дека за исто количество потрошена струја добиле многу повисоки сметки.
Од вкупно седум случаи на голема кашлица во Северна Македонија последните два се бебиња на возраст од два месеца, а еден повозрасен пациент е хоспитализиран. Се шири и сезонскиот грип и лекарите предвидуваат дека пикот ќе го достигне во февруари.
Стефан и Елена се македонска млада брачна двојка, која, по седум години живот во Германија, се вратија во земјава, но наместо во Скопје или некој поголем град, тие се населија на периферијата во Македонски Брод.
Најавите за покачување на сумите за партиципација ги разгневија студентите. Повеќе студентски организации излегоа со остри реакции, а некои дури се заканија и со протести. Ректоратот на УКИМ побарал став од факултетите за покачување на партиципациите, но одлука уште нема.
Вчитај повеќе
