Србија денеска (5 мај) одбележуваат една година од масовното убиство во основното училиште во центарот на Белград.

Годишнината се одбележува со еднодневна комеморативна програма наречена „Будење“.

Пред училиштето „Владислав Рибникар“ се собираат голем број роднини и пријатели на убиените, како и граѓани кои во текот на целиот ден ќе може да остават цвеќе и да се запишат во спомен книгата за сеќавање на деветте ученици и училишниот чувар кои беа застрелани со пиштол на 3 мај 2023 година од страна на нивен малолетен соученик.

Видете и ова:

Ранетата наставничка од „Рибникар“ ги тужи родителите на ученикот кој го изврши масовното убиство

Прозорците и фасада во делот од училишната зграда каде се случи убиството се покриени со бело платно на кое се нацртани сини птици.

Во 8:41 часот утрото, што го означува времето кога малолетниот ученик почнал да пука, во знак на сеќавање била пуштена сирената, а медиумите во Србија на една минута прекинаа да емитуваат програма.

Целиот простор околу училиштето, кој е наречен „Простор на тишината“ е затворен за сообраќај.

Кај споменикот на поетесата Десанка Максимовиќ во блискиот парк Ташмајдан од 9 до 19 часот ќе се организира трибина на која граѓаните ќе разговараат за прашања поврзани со причините и последиците од масовните убиства на 3 и 4 мај 2023 година.

Видете и ова:

Родители на убиените деца во „Рибникар“ протестираа во Белград

Во Студентскиот културен центар во 20 часот ќе се одржи завршната музичко-сценска програма, а поради ограничениот простор, граѓаните ќе можат да го следат настанот на екранот поставен на Ташмајдан, како и во живо на телевизија.

На 3 мај 2023 година, 13-годишен ученик од Основното училиште „Владислав Рибникар“ ги уби Бојана Асовиќ (11), Ана Божовиќ (11), Катарина Мартиновиќ (12), Мара Анѓелковиќ (13), Ема Кобиљски (13). ), Софија Негиќ (13), Андрија Чикиќ (14), Адријана Дукиќ (14), Ангелина Аќимовиќ (14) и Драган Влаховиќ (53).

Беа ранети и пет ученици и една наставничка.

На 15 ноември 2023 година, Вишиот суд во Белград го потврди обвинението против родителите на момчето кое го изврши масакрот.

Обвинетите се и сопственикот и инструкторот на стрелачкиот клуб каде, според обвинението, малолетниот ученик одел да учи да пука со својот татко.

Видете и ова:

Започна судењето за масовното убиство во основно училиште во Белград, родителите на малолетникот негираа вина

Ученикот-напаѓач не одговара пред законот бидејќи во моментот на нападот имал помалку од 14 години. Тој е сместен во психијатриска установа.

Ден по пукањето во училиштето „Владислав Рибникар“, 21-годишно момче со автоматско оружје уби девет лица во селата Дубона и Мало Орашје во околината на Младеновац кај Белград.

Во мај 2023 година, масовните убиства предизвикаа неколкумесечни протести во градовите низ Србија.

Променливо облачно време со пороен дожд и грмежи, особено во источните делови на државата, најавува Управа за хидрометеоролошки работи (УХМР) за денеска (3 мај).

На одредени места се очекува и краткотрајно невреме со засилен ветер и врнежи од град.

Температурата во текот на денот ќе се движи од 14 до 22 степени.

Видете и ова:

Ако не Охрид, Албанија и Црна Гора ќе ги пречекаат туристите со стари пасоши

Според најавите од УХМР, и во наредните денови ќе биде променливо облачно со повремени локални врнежи од дожд, освен во недела кога ќе биде претежно стабилно и потопло.

И покрај врнежите, според информациите од АМСМ, сообраќајот на државните патишта утрово се одвива непречено. Надвор од градските средини интензитетот е умерен, а на граничните премини од македонска страна нема подолги задржувања за влез и излез.

Рускиот енергетски гигант Газпром на 2 мај соопшти дека претрпел рекордна годишна загуба минатата година бидејќи европскиот пазар практично бил затворен за извоз на гас поради санкциите поради воената операција на Москва во Украина.

Руската државна фирма претрпе нето загуба од 629 милијарди рубљи односно 6,9 милијарди долари во 2023 година. За споредба претходната 2022 година оваа компанија за заврши годината со нето добивката од 1,23 трилиони рубљи односно со речиси 14 милиони долари.

Видете и ова:

ЕУ е многу помалку зависна од рускиот гас, но сè уште не се откажува од него

Резултатите се показател за големото влијание на западните санкции врз Русија по започнатата воена офанзива во февруари 2022 година.

Во времето кога Москва ја започна својата инвазија на Украина, ЕУ беше во голема мера зависна од Русија за гас. Русија учествуваше со повеќе од 40 отсто од увозот на гас во ЕУ, снабдувајќи од 95 отсто од унгарскиот гас до десет отсто од гасот во Шпанија во 2021 година, според податоците на официјалната статистичка служба Еуростат. Сепак, најголемиот нето увозник на руски гас во ЕУ беше Германија со 55 милијарди кубни метри во 2021 година, што претставуваше повеќе од 65 отсто од увозот на гас во земјата.

Увозот на руски гас во ЕУ сега е намален за околу една третина во споредба со пред руската инвазија на Украина. Според податоците на Евростат, во третиот квартал од 2021 година, 39 отсто од гасот во ЕУ доаѓа од Русија. Две години подоцна, во третиот квартал од 2023 година, тој износ е намален на 12 отсто.

Членките на НАТО се длабоко загрижени поради неодамнешните зголемени хибридни акции на Русија кои ги погодуваат Чешка, Естонија, Германија, Латвија, Литванија, Полска и Обединетото Кралство. Во соопштението од Алијансата е наведено дека овие нциденти се дел од интензивираната кампања на активности што Русија продолжува да ги спроведува низ евроатлантската област, вклучително и на територијата на Алијансата.

„Ова вклучува саботажа, акти на насилство, сајбер и електронско мешање, кампањи за дезинформација и други хибридни операции. Сојузниците на НАТО ја изразуваат својата длабока загриженост поради хибридните акции на Русија, кои претставуваат закана за безбедноста на сојузниците“, се вели во соопштението објавено на 2 мај.

Видете и ова:

Украински државјанин осуден во САД за илјадници хакерски напади

Оттаму велат дека се солидаризиаат со погодените сојузници.

„Ќе дејствуваме индивидуално и колективно за да ги решиме овие акции и ќе продолжиме тесно да се координираме. Ќе продолжиме да ја зајакнуваме нашата отпорност и да ги применуваме и унапредуваме алатките што ни се на располагање за да се спротивставиме и да се спротивставиме на руските хибридни акции и ќе се погрижиме Алијансата и сојузниците да се подготвени да одвратат и да се бранат од хибридни акции или напади“, се вели во соопштението.

НАТО го осудува однесувањето на Русија и ја повикува Русија да ги исполни своите меѓународни обврски, додавајќи дека активностите на Русија нема да ги одвратат сојузниците да продолжат да ја поддржуваат Украина.

Американското министерство за правда на 1 мај соопшти дека украински државјанин е осуден на 13 години и седум месеци затвор за над 2.500 хакерски напади со злонамерни софтвери каде што барал повеќе од 700 милиони долари за откуп.

На 24 годишниот Јарослав Васински Судот му наложи да плати над 16 милиони долари како реституција. Васински ја користел варијантата на злонамерен ( ransomware) софтвер именуван како Содинокиби/ Ревил (Sodinokibi/REvil) и јавно ги изложувал податоците на жртвите кога тие не ги платиле барања за откуп.

Видете и ова:

Хакерите не барале откуп од МЕПСО за компјутерскиот напад

Васински се изјасни за виновен по обвинението од 11 точки кое го товари за заговор за извршување измама и поврзани активности во врска со компјутери, оштетување на заштитени компјутери и заговор за перење пари.

Васински беше уапсен во Полска во октомври 2021 година. Во март 2022 година, тој беше екстрадиран во САД. Според судот, 24-годишниот Васински бил член на групата Ревил и заедно со соучесниците, хакирале илјадници компјутери ширум светот барајќи откуп за неоткривање на личните податоци на жртвите

Американскиот претседател Џо Бајден на 2 мај го бранеше правото на протести, но инсистираше на тоа дека „мора да надвладее ред“. До ова изјава дојде откако универзитетските кампуси низ Соединетите држави се соочуваат со немири поради протести против војната во Газа.

„Несогласувањето е од суштинско значење за демократијата.Но, несогласувањето никогаш не смее да доведе до неред“, изјави Бајден.

Тензиите на колеџите и универзитетите се зголемуваат во изминативе денови, бидејќи некои демонстранти одбиваат да ги отстранат логорите, а надлежните бараат помош од полицијата за да ги расчистат со сила, што доведе до судири кои го привлекоа вниманието на политичарите и медиумите.

Видете и ова:

Критики за Бајден зошто нема коментар за студентските протести во американските универзитети

Бајден изјави дека протестите не го поттикнале да го преиспита својот пристап кон војната. Тој, исто така, ги отфрли напорите да се искористи ситуацијата за „да се освојат политички поени“.

Универзитетот Колумбија, каде што започна сè, ги суспендираше студентите по ќор-сокакот во преговорите за прекин на демонстрациите. Студентите на Универзитетот Колумбија ќе ги полагаат завршните испити од далечина по речиси 300 апсења за време на протестите на кампусот претходно оваа недела.

Протестите беа предизвикани од гневот поради израелската офанзива на Газа, во која загинаа повеќе од 34 000 Палестинци. Израел ја започна офанзивата откако околу 1200 Израелци и странци, главно цивили, беа убиени, а 253 други беа однесени во Газа како заложници кога Хамас, прогласен за терористичка организација од САД и Европската Унија, ги нападна израелските позиции на 7 октомври минатата година во близина на границата со Појасот Газа.

Официјални претставници на Европската унија (ЕУ) велат дека рестриктивните мерки против Косово ќе бидат укинати кога за тоа ќе одлучат земјите-членки на ЕУ, а не косовските политичари.

„Останува на земјите-членки да ја разгледаат ситуацијата и потоа заедно со европските институции да одлучат дали ќе ги укинат мерките или не. Можам само да потврдам дека разговорите се уште се во тек, а можам да ве потсетам дека мерките не се уште подигнати“, изјави на 2 мај портпаролот на ЕУ, Петер Стано.

Овој коментар на портпаролот Стано во Брисел доаѓа откако косовскиот премиер Албин Курти изјави дека се исполнети сите барања на ЕУ за укинување на казнените мерки против Косово.

Во јуни минатата година, ЕУ воведе мерки против Косово, откако косовските власти ги игнорираа барањата за деескалација на ситуацијата во општините со српско мнозинство на север.

Видете и ова:

Српските пратеници ја изгласаа новата Влада

Казнените мерки што ЕУ ги наметна за Косово се однесуваат на привремено суспендирање на работните групи за Спогодбата за стабилизација и асоцијација, непоканување на Косово на средби на високо ниво и прекинување на билатералните посети.

Исто така, укинати се и средствата за Косово кои беа планирани со Инвестициската рамка и инструментите за претпристапна помош - ИПА 2024 година.

Неколку дипломатски извори изјавија за РСЕ во Брисел на крајот на април дека мнозинството земји-членки на ЕУ се за укинување на рестриктивните мерки за Косово. Единствената разлика меѓу земјите-членки беше дали мерките треба да се укинат веднаш или постепено.

Со 152 гласа „за“, 61 „против“ и ниту еден воздржан, пратениците во Собранието на Србија на 2 мај на јавно гласање гласаа за новата Влада на Србија. Претходно со мнозинство гласови беше одлучено програмата на Владата да се гласа јавно, со прозивка на пратениците.

Собраниската расправа за новата Влада траеше повеќе од 6 часа. Новата влада, како што е предложена, ќе има 25 министерства и пет министри без ресор.

Премиерот и лидер на владејачката Српска напредна партија (СНС), Милош Вучевиќ, за време на неговото излагање во српскиот парламент изјави дека членството во Европската унија (ЕУ) останува стратешка цел.

„Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедените политички критериуми“.

Видете и ова:

Добри односи со Кина, Русија, САД и членство во ЕУ се приоритети за Србија, рече мандатарот Вучевиќ

Тој изјави дека очекувањата на ЕУ се поврзани со Србија да се „понижи“ со признавањето на независноста на Косово и да се приклучи на санкциите против Русија поради нејзината инвазија на Украина. Тој изјави дека Србија ќе направи се за да го спречи приемот на Косово во Советот на Европа, иако, како што вели, шансите се мали.

Вучевиќ три часа пред пратениците во српското Собрание на седницата за избор на новата Влада го презентираше своето излагање. Владата беше формирана четири и пол месеци по вонредните парламентарни избори, на кои прогресивците освоија над половина мнозинство во републичкото собрание. Рокот за избор на новата Влада е 6 мај.

Претседателот на Партијата за слобода и правда (СПП), Драган Ѓилас, оцени дека предложениот мандатен кабинет Милош Вучевиќ е „неважен“ како претходната Влада предводена од Ана Брнабиќ, бидејќи, како што рече, сите одлуки во Србија ги носи претседателот Александар Вучиќ.

Тој додаде дека не го послушал разголувањето на мандатарот, бидејќи, како што рече, тоа што го пишува таму „нема врска со реалниот живот“.

„Александар Вучиќ и СНС успеаја со невозможното, да не исполнат ниту едно ветување што го дадоа пред 2012 година, почнувајќи од Косово, преку истрагата за 24 спорни приватизации, борбата против криминалот и корупцијата. Денес, според официјалните податоци на меѓународните организации, Србија е прва во Европа по Русија и Белорусија по корупција, шампион на Европа по инфлација, а долгот се зголеми од 15 на 35 милијарди“, рече Ѓилас.

Новата српска Влада ќе има 25 министерства и пет министри без ресор. Новиот премиер на Србија е мандатарот Милош Вучевиќ, а во владиниот состав се и две лица кои веќе се наоѓаат на црната листа на САД – Александар Вулин - вицепремиер и Ненад Поповиќ- министер без ресор.

Кој ќе формира нова Влада по парламентарните избори 8 мај, беше главното прашање по кое си испратија пораки претставниците на политичките партии. На само 6 дена пред одржување на изборите претседателот на СДСМ Димитар Ковачевски изјави дека „тој што не може да формира влада изгубил на изборите“.

„Прво, тој што не може да формира влада значи изгубил на изборите бидејќи влада се формира со минимум 61 пратеник. Ќе видиме како ќе бидат финалните резултати на 8 мај, бидејќи изборите уште не се завршени и тогаш ќе може да се разговара во однос на формирање на влада“ изјави Ковачевски по средбата со претставниците на раководството на Стопанската комора на северозападна Македонија.

Актуелниот министер за надворешни работи Бујар Османи кој беше и кандидат за претседател на коалицијата „ Европски фронт“ предводена од ДУИ изјави дека не може да има Влада без двојно мнозинство, парламентарното од 61 пратеник плус Бадентерово, а таквите тврдења ги темелеше на Охридскиот рамковен договор.

„Епа изгледа треба пак да нацртам. Еве ви кажувам без ДУИ нема бадентер, а без бадетер нема функционална Влада“, изјави Османи на денешната прес конференција.

Видете и ова:

ВМРО-ДПМНЕ пријавиле најмногу донации за изборната кампања

Ова доаѓа по неколку јавно искажани ставови на опозициската ВМРО-ДПМНЕ со кои ја отфрла можност за постизборно коалицирање со ДУИ. Потпретседателот на ВМРО- ДПМНЕ и носител на листа во 4. изборна единица Александар Николоски изјави дека со лидерот на ДУИ Али Ахмети е исклучена секаква соработка.

„Ние сме многу сериозни дека ДУИ ќе оди во опозиција, јас сум свесен дека до првиот круг најголем дел од политичката елита и дел од граѓаните во Македонија мислеа дека блефираме и дека го правиме тоа за политички поени,“ изјави Николовски на 2 мај во интервју.

Претходно, лидерот на ВМРО-ДПМНЕ, Христијан Мицкоски, деновиве изјави дека идната влада ќе ја предводи неговата партија, и дополни дека во неа ќе учествува и коалицијата на албанските опозициски партии кои на изборите настапува под името Вреди.

Во меѓувреме, опонентите од албанскиот политички блок се расправаат околу тоа кој ќе го одржи последниот митинг в понеделник ( 6 мај) на тетовскиот плоштад.

Градоначалникот на општината Тетово Биљал Касами кој е дел од опозициската коалиција „Вреди“ денеска (2 мај) изјави дека на градскиот плоштад во Тетово на 6 мај коалицијата „Вреди“ ќе го одржи завршниот митинг за парламентарните избори на 8 мај и за тоа не одлучува вицепремиерот Артан Груби.

„Артан Груби не е тој кој одредува кој и кога ќе одржи предизборни митинзи. Не сме во полициска држава. И со ова Артан Груби и ДУИ покажуваат дека дека се со паметот на Путин, со размислувањето на Русија. Тие побараа дозвола од полицијата, законот не предвидува собирите да добијат дозвола или организаторите на собирите да добијат дозвола од полицијата, законот предвидува општините да стопанисуваат со јавните простори“, изјави Касами.

Претходно Арбр Адеми од Европскиот фронт апелира до албанската опозиција да ја преиспита својата одлука, и да се определат за друг простор или некој друг ден.

„Оваа ненадејна одлука на албанската опозиција не дека е во спротивност со принципите на взаемно разбирање и соработка за да има слободни и демократски избори, туку претставува и провокација да се наштети на јавната безбедност и мирот“, изјави неодамна Адеми .

Во првиот круг од претседателските избори разликата во гласови меѓу Османи како кандидат на коалицијата „Европски фронт“ и освоените гласови од Арбен Таравари кандидат на коалицијата „ Вреди“ изнесува 696 гласа. Османи освои 14 726, а неговиот противник Таравари заврши со 14 030 гласови.

Се враќа цената на осигурувањето за аавтоодоговорност на ниво како пред 25 април годинава, одлучи Комисијата при Министерството за финансии за осигурување од автомобилска одговорност која напрви измени на тарифата за премии за осигурување на денешниот состанок ( 2 мај) и ги достави до Владата.

„ Предложените измени се насока на утврдување на опсег од 15 отсто до 30 проценти, во кој друштвата за осигурување можат да го определат делот на премијата за вршење дејност на осигурување од автомобилска одговорност, а за секој износ на овие трошоци над 30 отсто, да побараат претходна согласност од Агенцијата за супервизија на осигурување“, се наведува во соопштението од Министерството за финансии.

Ова значи враќање на цената на осигурувањето од автоодговорност на ниво од пред 25 април 2024 година.

Во соопштението е наведено дека Комисијата најдоцна до 30 септември секоја година до Владата ќе доставува предлог за минимална и максимална стапка на техничка премија за осигурување за следната година.

Предлог-одлуката на Комисијата, како што информира Министерството за финансии, е доставена на усвојување до Владата.

Видете и ова:

Агенција за супервизија на осигурување: Неоправдано е поскапувањето на автомобилското осигурување

Ставот на Комисијата за осигурување од автомобилска одговорност е поткрепен со мислењето на Агенцијата за супервизија на осигурувањето како регулатор дека ваквото постапување на друштвата за осигурување влијае врз стабилноста, сигурноста и предвидливоста на функционирање на целиот систем на осигурување во насока на штета на осигурениците, односно сопствениците на моторни возила.

„Состојбите на пазарот ќе се следат и во наредниот период и ќе се преземаат соодветни одлуки, врз основа на анализи и во еден отворен и транспарентен процес. Во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност во втората половина од април 2024 година, Министерството за финансии ја свика Комисијата за осигурување од автомобилска одговорност која одржа седници на 26, 29 и 30 април и 2 мај 2024 година, со цел да ги разгледа сите аспекти од носењето на овие одлуки“, потенцираат од Министерството за финансии.

Претходно, денеска Агенцијата за супервизија на осигурувањето ја повика Владата, согласно своите законски надлежности, да ги заштити правата на осигурениците и преку измени во тарифникот да ги намали цените на полисите за задолжително осигурување од автомобилска одговорност.