Нимиц на средби со Попоски и со Груевски

Медијаторот на ОН Метју Нимиц претпладнето во македонското МНР се сретна со шефот на дипломатијата Никола Попоски. По едночасовните разговори, Нимиц не даде изјава за медиумите и замина на средба во Владата со премиерот Никола Груевски. Посредникот на ОН вчера по пристигнувањето во Скопје се сретна со претседателот Ѓорге Иванов при што размениле мислења поврзани со идеите и размислувањата на специјалниот пратеник, како и за исходот од неговата посета на Атина. Нимиц дојде во Скопје од Атина каде што се сретна со грчкиот министер за надворешни работи Евангелос Венизелос. По средбата, медијаторот изјави дека му биле разјаснети ставовите на грчката страна, без да соопшти повеќе детали.