Во Македонија денеска е вториот ден на национална жалост за осумтемина загинати полицајци во акцијата против вооружени лица во Куманово. Знамињата се на половина копје додека сите спортски и политички собири се откажани. Во Куманово се согледуваат материјалните штети.
Нашите репортери денеска во кумановската населба која во изминатиот викенд беше бојно поле.
Куманово потоа - разoрена „Дива населба“
Жителите на кумановската „Дива населба“ каде во саботата утрото полицијата започна акција против вооружена група, се враќаат во своите оштетени куќи. А таму запалени домови, скршени стакла, уништени автомобили, куршуми....
Инаку, денеска во 18 часот во Скопје со свеќи во рацете, во црна и бела облека како симбол на тага по загинатите полицајци, граѓаните и активистите кои неколку денови протестираат во Скопје ќе се соберат пред владата. Најавено е дека притоа ќе соопштат единствена порака која ќе ги обединува сите, а ќе допре до политичарите кои ја водат државата.
