Американски советници во Македонија

Грчкото лоби во Америка е многу силно и тие, за разлика од македонското, се многу активни во нивната позиција за прашањето со името и затоа уживаат големи симпатиии. Oва го изјави претседателот на Турската коалиција на Америка, Линкон Меккерди која заедно со Обединетата македонска дијаспора и со 18 американски советници на конгресмени е во посета на земјава. Целта на посетата е тие подобро да се запознаат со Македонија и да увидат како можат да и помогнат на земјава со членството во НАТО и ЕУ. Клучот е да се едуцираат што повеќе луѓе за спорот со Грција и да се презентира македонскиот став, како и да се создаде балансиран дијалог и да не се интерпретира историјата во корист на една страна, бидејќи на сите заедници треба да им се даде подеднаков респект, вели Меккерди.

„Ние сакаме да се воспостави политиката на владата во Америка која ќе ја промовира добрата волја и мирот и проспоритетот на заедниците подеднакво од кој сите луѓе ќе имаат бенефит. Но кога земате една страна за некое прашање и одбивате да ги видите фактите на одреден историски елемент не промовирате добра волја.“


Меккерди изрази надеж дека со тоа ќе се создаде средина каде и Македонија и Грција ќе седнат да разговараат, а Америка ќе ги охрабри двете страни да ги решат нивните насогласувања за да остварат напредок. Претседателот на дијаспората Методија Колоски вели дека тие не сакаат промена на името.

„Донесовме резолуција во нашата организација каде што се дава целосна поддршка до Република Македонија и нејзините институции околу членството во НАТО и ЕУ, но сепак да се задржи името и нашиот идентитет. Исто така повикавме да се прекинат преговорите и да се поднесе постапка за преименување на резолуцијата 817 во ОН, да се промени тоа во ставот за Поранешна Југословенска Република Македонија.“