Достапни линкови

Тензии и солзавец на јужната македонска граница


Припадници на македонската специјална полиција употребија солзавец за да ги потиснaт мигрантите кои се обиделе да влезат од граничната зона во Македонија.

Припадници на македонската специјална полиција употребија солзавец за да ги потиснaт мигрантите кои се обиделе да влезат од граничната зона во Македонија. На видео снимката објавена од новинската агенција Ројтерс се гледа и дека има повредени лица.

Македонската влада вчера прогласи кризна состојба и ја затвори јужната граница за мигрантите, главно сиријци кои доаѓаат од Грција. Тие, неколку илјади, ноќта ја минале на отворено на граничната зона меѓу Македонија и Грција.

Одлуката на Владата има за цел да спречи какви било посериозни проблеми и закани по локалното население, односно по жителите кои што живеат во гевгелискиот регион и да спречи какви било дополнителни проблеми, но и да обезбеди посоодветен третман на оние лица, илегални мигранти кои влегле во Македонија и изразиле намера за азил.

Солзавец против група мигранти на границата со Грција
please wait

No media source currently available

0:00 0:02:20 0:00

Инаку, на македонско-грчката граница илјадници бегалци од вчера се наоѓаат по должината на граничниот појас и се обидуваа да влезат во Македонија.

Екипата на РСЕ синоќа ги регистрираше овие снимки:

Илјадници мигранти заглавени на границата со Грција
please wait

No media source currently available

0:00 0:03:08 0:00

Според активистите на терен, во Гевгелија веќе неколку дена има специјалци кои што до денеска се грижеле само за јавниот ред и мир. Меѓународната пруга Солун-Скопје е блокирана од неколку илјади бегалци, а на грчка територија веќе биле заглавени два товарни и еден патнички воз. Се јавува дека ноќеска на границата стигнала уште една голема група мигранти.

XS
SM
MD
LG