сабота, декември 20, 2014 Скопје 13:09

Македонија

Помина времето на криење информации

Во денешно време на масовни медиуми ништо не може да се скрие од граѓаните, а тоа што провладините медиуми не ги објавија обвинувањата од опозицијата дека премиерот Никола Груевски зел еден ипол милион евра црни пари од продажбата на Македoнска банка, не изнeнадува велат познавачите.

Провладините медиуми во континуитет години наназад објавуваат тоа што сакаат или тоа што им е наложено и веќе е познато до кое дереџе е дојдено македонското новинарство, но јавниот сервис не смее тоа да си го дозволи, коментираат познавачите по аферата која ја објави претседателот на СДСМ Зоран Заев. Најголемиот дел од медиумите решија да ги премолчат обвинувањата од опозицијата дека премиерот Никола Груевски зел еден ипол милион евра црни пари од продажбата на Македoнска банка.
Тоа првпат го слушам од вас, меѓутоа медиумите се знае од која страна се, кој ги финансира.

 
Граѓаните кои ги анкетиравме или не слушнале за аферата или не сакаат да коментираат.
 
„Не сум запознаен, едноставно не сум слушнал. Не сум приметил по телевизиите. Но за други работи што се напаѓаат, на пример дека првиот круг од претседателските избори дека е наместен, тоа сум слушнал.“
 
x

„Тоа првпат го слушам од вас, меѓутоа медиумите се знае од која страна се, кој ги финансира.“
 
„Не сме слушнале, политика не ме интересира“, велат анкетираните граѓани.
 
Не е времето кога беше само Нова Македонија или Македонска телевизија, па можеше да се каже ако тие не објавиле, не се случило.

Поранешниот претседател на Советот за радиодифузија Мирче Адамчевски вели дека не е изненаден што комерцијалните телевизии не известуваа за аферата, бидејќи тие имаат свои интереси и се под големо влијание од бизнис фелата и владата. Но, тој е изненаден од односот на јавниот сервис.
 
„Јавниот сервис мора да ги објави тие работи, тоа му е обврска, бидејќи тој не е државне, не е владин, тој е јавен, општествен сервис. Не ме изннадува што комерцијалните медиуми не го објавија, сметам дека тие работи требаше да се објават, но има некоја позадина, веројатно онаа што сите го знаат, дека тие се диригираат од еден центар, иако професионалниот однос налага тие работи да бидат објавени.“
 
Според Адамчевски смешно е да се објавуваат деманти, а притоа аферата претходно да не биде објавена. Но, тој смета дека во денешно време на масовни медиуми ништо не може да се скрие од граѓаните.
 
„Не е времето кога беше само Нова Македонија или Македонска телевизија, па можеше да се каже ако тие не објавиле, не се случило. Сега имаме медиуми кои сепак професионално си ја вршат работам, ја објавија таа вест, има и голем број портали, така да мрежата си го направи своето, ништо денеска не може да се скрие, така што очигледно е дека владините телевизии или они наклонети кон власта не објават не значи дека народот нема да ја дознае таа вест.“
 
Адамчевски порачува дека за неколку години работите целосно ќе излезат на виделина и потоа ќе биде потребно многу време за да се подобрат состојбите во новинарството.
Овој форум е затворен
Редење на коментари
Коментирајте
     
Име: burgija Град: zrze
22.04.2014 12:22
+1 / -0
Site ovie sto kazuvat deka ne slusnale za aferata mozam slobodno da kazam deka LAZAT.Makedonija e tolku mala zemja sto se se doznava za kratko vreme,pa i da ne si gledal televizija ili televiziite da ne ja objavuvat taa informacija sekogas ce se najde nekoj sto usno ce ti ja prenese.Pa vo Makedonija sekoj so nekogo se znae i kaj nas niti mozelo niti pak ostanalo nesto tajno.Tie sto kazuvat deka ne slusnale ili se pravat deka se iznenadeni glumat ludilo i nisto drugo a poradi koja pricina oni si znaat.Megutoa mene edna druga rabota posebno me nervira a toa e odnesuvanjeto na MRT.Tie kolku sto znam pretplata zimat od site,zvanicno se vodat kako nacionalna televizija a se odnesuvat kako privatno-partiska televizija.Ako sakat da vidat kako raboti edna nezavisna i neutralna televizija neka gi poglednat nacionalnite TV na RTS i HRT i ce vidat kako treba da funkcionira eden nacionalen TV servis.Neka vidat kako na tie televizii novinarite bukvalno gi rendat politicarite dokolku napravat nekoja glupost a ne da se krijat pod masa i da se pravat i gluvi i slepi kako kaj nas.

Избор на уредникот

Радио програма