Достапни линкови

Рампа и ловиште на Пелистер


Националниот парк Пелистер.
Националниот парк Пелистер.

Еколошката такса за посетителите на националниот парк Пелистер се одложува. Дополнително, според најновите измени во Законот за ловство, во националните паркови се предвидува воведување на ловишта.

Се одлага наплатата на еколошка такса за посетителите на националниот парк Пелистер, иако првично се најавуваше дека ќе започне од ноември годинава. Таксата ќе се наплаќа според измените на Законот за заштита на природата, а првите цени кои се споменуваат се 30 денари по лице, 50 денари за возило, за редовни посетители 1000 денари годишно.
Не да се наплаќа влезот во националниот парк туку на деца, млади, пензионери, вработени да им се овозможи да имаат постојан превоз.
Томислав Зиновски, планинар.

Планинарите со поделено мислење на оваа тема. Едни не ја прифаќаат оваа мерка, а други сметаат дека ова ќе значи поголема заштита на паркот.

„Не знам како ќе биде решено тоа. Сите национални паркови треба да се заштитат. Начинот на плаќање треба да се усогласи со некои процедури. Ние како планинари ја чуваме планината и сме совесни, но некој што доаѓа првпат, не знам како ќе се однесува“, вели Стевче Танчевски.
Тоа нè загрижува зашто во националните паркови е забранет секаков лов. Меѓутоа, ќе се направи на организиран начин.

Амет Аџиу, директор на Националниот парк Пелистер.

„Не да се наплаќа влезот во националниот парк туку на деца, млади, пензионери, вработени да им се овозможи да имаат постојан превоз, за невработените и бесплатен превоз за што почесто да можат да престојуваат на Пелистер“, вели Томислав Зиновски.

Директорот на националниот парк, Амет Аџиу, вели дека средствата ќе се вложуваат во заштита и унапредување на Пелистер.

„Рампата точно дека е непопуларна мерка, меѓутоа цените што предвидуваме да ги примениме, 1000 денари годишно за редовните посетители, тоа е 3 денари дневно не треба да е пречека некој да дојде на Пелистер. Ќе се заложиме постепено. Ќе почнеме прво со наплата за паркирање. Но, сите тие средства планираме повратно да ги вложиме за паркот Пелистер“, вели Аџиу.

Новина е и тоа што според најновите измени во Законот за ловство, во националните паркови се предвидува воведување на ловишта. Планинарот Зиновски реагира:

„Тоа првпат слушам, како може лов во национален парк?“, прашува тој.

Директорот на паркот, Аџиу вели дека се затекнати.

„Тоа нè загрижува зашто во националните паркови е забранет секаков лов. Меѓутоа, ќе се направи на организиран начин, ќе се одредат простори, одредени резервати без да има последици за дивечот. И ние сме затекнати со оваа состојба“, вели Аџиу.
  • 16x9 Image

    Жанета Здравковска

    Родена во Битола на 15.01.1977 година. Дипломирала на Педагошкиот факултет во Битола во 1999 година, а магистерски студии завршила на постдипломските студии по менаџмент на човечки ресурси на Институтот за социолошки и политичко- правни истражувања во Скопје. Работела како новинар во повеќе локални редакции во Битола, а за Радио Слободна Европа известува од 2002 година. 

XS
SM
MD
LG