среда, април 23, 2014 Скопје 11:32

Македонија

Грција бара рамка за решавање на спорот за името

Грција и испрати меморандум на Македонија, во кој се посочува рамка за побрзо постигнување на решение за името.

Средба на министрите за надворешни работи на Македонија и Грција Никола Попоски и Димитрис Аврамопулос во Њујорк, 24 септември 2012.
Средба на министрите за надворешни работи на Македонија и Грција Никола Попоски и Димитрис Аврамопулос во Њујорк, 24 септември 2012.
Големина на буквите - +
Меморандумот од шефот на грчката дипломатија Димитрис Аврамопулос до македонскиот министер за надворешни работи Никола Попоски е добиен и ќе биде разгледан, потврди владиниот портпарол Александар Ѓорѓиев. Во дописот е наведено дека се потврдува заедничката постоечка граница како трајна и неповредлива меѓународна граница, и се додава следново:
Дека ќе продолжиме да забрануваме непријателски активности или пропаганда од страна на агенциите под контрола на државата и ќе обесхрабруваме слични дејствија од приватни ентитети кои повикуваат на насилство, омраза или непријателство спрема другата страна и ќе се воздржиме од какви било дејства или изјави кои предизвикуваат ризик за поткопување на преговорите, вклучително и преку употреба на симболите кои се дел од историското или културно наследство на другиот.

„Се согласуваме да ги продолжиме и да ги интензивираме преговорите под покровителство на Генералниот секретар на Обединетите нации, предвидени со Резолуцијата 845 (од 1993) година со цел да се постигне договор за разликите опишани во таа резолуција и во Резолуцијата 817.“

Во меморандумот пишува дека за таа цел, и со цел развој на клима за взаемно верување, потребно е целосно да се почитуваат принципите на добрососедство и немешање во внатрешните работи на другиот под кој било изговор, вклучувајќи ги сите претензии кон територија која не е во рамките на постоечките граници.

„Дека ќе продолжиме да забрануваме непријателски активности или пропаганда од страна на агенциите под контрола на државата и ќе обесхрабруваме слични дејствија од приватни ентитети кои повикуваат на насилство, омраза или непријателство спрема другата страна и ќе се воздржиме од какви било дејства или изјави кои предизвикуваат ризик за поткопување на преговорите, вклучително и преку употреба на симболите кои се дел од историското или културно наследство на другиот“, се дополнува во дописот.

Во меморандумот се дополнува и дека за поттикнување на преговорите, потребно е да се продолжи врз основа на договорената рамка за основните параметри на решение и дека договореното име ќе се користи од страна на сите.

Потпишувањето на меморандумот ќе го „ослободи потенцијалот на билатералните односи меѓу двете земји и ќе им даде динамика на евро-атлантските амбиции“ на Македонија, изјави денеска портпаролот на грчкото МНР Григорис Делавекурас.

Според него, „потпишувањето на меморандумот ќе биде убедлив одговор на оние кои шират непријателство, национализам, па дури и омраза“.
Овој форум е затворен
Редење на коментари
Коментирајте
     
Име: Горан
05.10.2012 23:19
+0 / -0
До нашите мудри политичари и ВМР-овци и СДСМ-овци. Не знаете да пресечете на време, ќе преговарате за сопственото име. Е па сами си се фативте во грчката мрежа. И сега што? Не ви чини грчкиот потег? Е не се гради држава со купување на време и по линија на мал отпор. Сеизредија еден куп лидери ама ниту еден немаше храброст да рече СТОП на преговорите и доста веќе зафрканции. Или ќе бидеме држава со кичма или подобро да не нема. Ве молам објавете.

Име: Зоран Град: Охрид
04.10.2012 22:35
+0 / -0
Можам да се согласам со деловите кои повикуваат на соживот, толеранција и слично, но не и за две работи: а) „употреба на симболите кои се дел од историското или културно наследство на другиот“ - никој нема ЕКСКЛУЗИВНО право на античката историја, и б) „договореното име ќе се користи од страна на сите“ - ние не преговараме за да си го смениме името да државата, туку за име кое ќе го користиме во билатерална комуникација со Грција (што и така е чиста глупост).

Име: dedoNoe Град: pela
04.10.2012 21:40
+0 / -0
jas bi vnimaval sto potpisuvam!!!

Име: Petar Град: Skopje
04.10.2012 21:04
+0 / -0
I sto cekame sega, kako samite da sakame da si ja izgubime drzavata? Vleguvame vo eu i nato vednas. Geografska odrednica, pa normalno, fakt e deka ova kade ziveeme sega e samo del od celata makedonija.

Слушајте не:

Најпосетени

Мултимедиа

Вашата JavaScript е исклучена или имате стара верзија на Adobe Flash Player.Спуштете ја новата верзија на Flash player.
Хеншо: Граѓаните сакаат политички дебатиi
|| 0:00:00
...
 
🔇
X
23.04.2014
Со директорот на НДИ во Македонија, Крис Хеншо разговаравме за дебатите кои ги организираа со политичките партии пред изборите и зошто владејчката партија ВМРО-ДПМНЕ не учествуваше во нив?
Видео

Видео Хеншо: Граѓаните сакаат политички дебати

Со директорот на НДИ во Македонија, Крис Хеншо разговаравме за дебатите кои ги организираа со политичките партии пред изборите и зошто владејчката партија ВМРО-ДПМНЕ не учествуваше во нив?
Видео

Видео Светот на РСЕ 22.04.2014

ТВ Вести од регионот на Радио Слободна Европа
Видео

Видео Бајден: Русија да престане да зборува, туку да дејствува

За време на посетата на Киев, американскиот потпретседател Џо Бајден изјави дека САД никогаш нема да ја признаат илегалната руска окупација на Крим. Тој ја повика Русија да превземе мерки за смирување на тензиите.
Видео

Видео Со такси низ Славјанск

Дописникот на Радио Слободна Европа, со такси помина низ Славјанск, источна Украина. Насекаде барикади и вооружени луѓе. Во градот е воведен и полициски час.
Видео

Видео Светот на РСЕ 21.04.2014

Тв Вести од регионот на Радио Слободна Европа
Повеќе