Достапни линкови

Четвртфинале: Македонија - Литванија


Македонските кошаркари со тројка во последната секунда загубија од Русија на ЕП во Литванија. Во четвртфиналето што се игра во среда, Македонија ќе се соочи со домаќинот, Литванија.

Во драматична завршница, со тројка во последната секунда, македонските кошаркари загубија од репрезентацијата на Русија со резултат 61:63 во последното коло од втората фаза на Европското првенство што се игра во Литванија и го освоија второто место во групата Ф.

Во четвртфиналето Македонија ќе игра против домаќинот, Литванија, која заврши третопласирана во другата група, Е.

Најефикасен на натпреварот повторно беше Лестер Бо Мекејлеб со 16 поени. Одлична игра пружи и Перо Антиќ, кој го заврши натпреварот со 15 поени, 10 скокови и 5 асистенции, но очигледно тоа не беше доволно за победа.

Во македонскиот национален тим се чувствуваше отстуството на поврдениот Тодор Гечевски, кој ја скрши раката на претходниот натпревар со Словенија.

Четвртфинални натпревари:

Натпревар Датум Час Град
Шпанија - Словенија 14.09.2011 17:00 Каунас

Македонија - Литванија

14.09.2011

20:00

Каунас

Франција - Грција 15.09.2011 17:00 Каунас
Русија - Србија 15.09.2011 20:00 Каунас

Ако Македонија успее да ја помине Литванија, во полуфиналето што се игра на 16 септември во 16:30 ќе се соочи со победникот од натпреварот Шпанија - Словенија.

Во случај на пораз во четвртфиналето, македонските кошаркари ќе разигруваат за пласман од 5 до 8 место со поразениот од Шпанија - Словенија на 15 септември во 14:30ч.
  • 16x9 Image

    Срѓан Стојанчов

    Новинарската кариера ја започна како новинар во внатрешно-политичката рубрика на дневниот весник Шпиц во 2008 година. Роден е на 27.10.1981г. во Скопје. Од февруари 2009 работи како постојан дописник за Радио Слободна Европа од Скопје.

XS
SM
MD
LG