Достапни линкови

Милчин - Власта сака политички да ме линчува


Владимир Милчин.
Владимир Милчин.

Директорот на Фондацијата на Сорос за Македонија, Владимир Милчин, остро негира дека соработувал со тајните служби.

Јас сум бил кодошен, а не кодош, а моето прогласување за соработник на службите е обид на власта за мој политички линч. Ова е реакцијата на директорот на Фондацијата отворено општество, Владимир Милчин, кој денеска одржа прес-конференција на која ги негираше наводите дека
Јас мислам дека ова е политички линч на Владимир Милчин. Крајната мета на тој линч мислам дека не е Владимир Милчин туку Фондацијата - Отворено општетво за Македонија. Зошто? Затоа што таа фондација е еден од истрајните бранители на демократијата, слободите и правната држава во Република Македонија.
соработувал со тајните служби во поранешниот режим. Тој вели дека се уште не го добил решението на Комисијата за лустрација, според кое се потврдува дека тој бил соработник на службите. Реагира поради информациите пласирани во медиумите.

Комисијата за верификација на фактите претходно соопшти дека пронашла уште еден кодош со кодно име „Драматург“. Медиумите прецизно го насликаа портретот на Милчин, опишувајќи го како универзитетски професор, поранешен декан на еден од уметничките факултети, поранешен висок функционер во опозициска партија и висок функционер во невладиниот сектор.

Милчин смета дека тој не е конечна мета на „политичкиот линч“, туку дека власта се обидува преку него да се пресмета со Фондацијата на Сорос за Македонија, која тој ја раководи.

„Јас мислам дека ова е политички линч на Владимир Милчин. Крајната мета на тој линч мислам дека не е Владимир Милчин туку Фондацијата - Отворено општетво за Македонија. Зошто? Затоа што таа фондација е еден од истрајните бранители на демократијата, слободите и правната држава во Република Македонија.“

Јас сум жртва, а не кодош
please wait

No media source currently available

0:00 0:04:49 0:00


Како доказ тој го покажа неговото досие што службите го воделе против него за „анархо-либерализам“ и за учество во 68-шките студентски протести во Белград. Искористувајќи ја законската можност, тој си го подигнал досието од МВР во 2000 година. На медиумите, Милчин им
На мое официјално барање до Министерство за внатрешни работи, од мене, врз основа на Законот за увид до досијата мене ми е кажано дека има и кога јас сум побарал да направам увид, пак врз основа на законот, мене ми е доставено ова досие. Значи ако постоело некое друго и тоа е скриено се работи за политички криминал во најмала рака.
достави фотокопија од „Прашалник за ревизија за лично досие“, потполнет од службите во 1983 година во кој пишува дека Владимир Милчин, кој е предмет на обработка на службите, нема „однос со органи за внатрешни работи.“ Не може и да сум бил кодош и да сум бил кодошен, вели Милчин.

„На мое официјално барање до Министерство за внатрешни работи, од мене, врз основа на Законот за увид до досијата мене ми е кажано дека има и кога јас сум побарал да направам увид, пак врз основа на законот, мене ми е доставено ова досие. Значи ако постоело некое друго и тоа е скриено се работи за политички криминал во најмала рака.“

Претседателот на Комисијата за лустрација, Томе Аџиев, вели дека денеска повторно ќе се обидат да му го достават заклучокот на откриениот соработник, но не го соопшти неговиот идентитет. Тој тврди дека човекот за кого зборуваат прво бил следен, а потоа станал соработник на службите.

Дел од досието на Владимир Милчин, во кое пишува дека тој „нема однос со органите за внатрешни работи“. Милчин достави фотокопија од документот до медиумите.

„Едно досие гледавме ние во Државниот архив на Република Македонија и во тоа досие едно лице било следено и во еден дел од следењето прифатило соработка и затоа не можевме да ја верифицираме изјавата. Тој соработувал со полицијата, со тајните служби.“

Што доколку од полицијата добиете известување дека не бил соработник?

„Доволно ни е да добиеме од еден орган“, вели Аџиев.

Аџиев вели дека откриениот соработник на тајните служби не земал пари за информациите кои што им го давал и додава дека овој случај не е
Во тоа досие, едно лице било следено и во еден дел од следењето прифатило соработка и затоа не можевме да ја верифицираме изјавата. Тој соработувал со полицијата, со тајните служби.
политички инструментализиран.

„Ако ние имаме направено грешка, тоа ќе се утврди на суд. Истото го имавме и со дотичниот господин Трендафил Ивановски, бил репресирано лице па искочи дека не бил репресиран. Ќе видиме на крај.“

Според дел од членовите на комисијата во овој случај комиијата носи заклучок само по доставен документ од една од четрите инстутуции што досега не било пракса.

Милчин наведува дека во овој случај се прекршени многу законски процедури. Тој најави дека ќе ги испита законските можности и потоа ќе го објави неговото досие на интернет.
  • 16x9 Image

    Зорана Гаџовска Спасовска

    Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 23.09.1983 година во Скопје. Од јуни 2009-та година работи како постојан дописник за Радио Слободна Европа од Скопје.

XS
SM
MD
LG