Годинашен добитник на Нобеловата награда за мир е кинескиот дисидент Лиу Ксиаобо, соопшти денеска во Осло претседателот на норвешкиот Нобелов комитет, Тхорнбјорн Јагланд.
Тој наведе дека кинескиот активист ја доби наградата за неговата долга и ненасилна борба за основните човековите права во Кина.
Кинескиот активист ја доби наградата за неговата долга и ненасилна борба за основните човековите права во Кина.
54 годишниот Лиу во декември 2009 од судот во Пекинг беше осуден на единаесет години затвор поради тоа што повикувал на политички реформи во Кина, вклучувајќи ги и слободите на здружување и на изразување.
Кина пак од своја страна денеска ја осуди одлуката на Нобеловиот Комитет наградата за мир да му биде дадена на кинескиот дисидент Лиу Ксиаобо.
За Пекинг оваа награда треба да го промовира меѓународното пријателство, а Ксиобаос, според кинеското министѕерство за надворешни работи бил криминалец.
Сопругата на Ксиобао, пак изразувајки одушевеност од одлуката на Нобеловиот Комитет во Осло им се заблагодари на сите за подршката и номинацијата и апелираше до киенските власти да го пуштат од затвор.
Годинава Нобеловиот комитет разгледа рекордни 237 кандидатури за наградата која изнесува скоро милион ипол долари.
Нобеловата награда за мир традиционално се предава на 10 декември во Осло. Се уште не е јасно кој ќе ја преземе наместо годинашниот добитник.
