Жителите на Њујорк и Њу Џерси се соочуваат со ново предупредување за евакуација поради нова бура која се приближува до источниот брег на САД.
Метеоролозите очекуваат дека бурата ќе го погоди брегот вечерва, додека голем дел од крајбрежните области се уште се справуваат со последиците од ураганот Сенди. Ураганот Сенди остави зад себе десетици мртви и десетици илјади луѓе без електрична енергија. Во пресрет на предупредувањата за нова бура, дел од авионските летови се откажани, додека во Њујорк се затворени сите паркови, игралишта, плажи и градилишта.